విద్యారంగ సమస్యలను పరిష్కరించాలని ఎస్ఎఫ్ఐ మెదక్ జిల్లా కార్యదర్శి అజయ్ కుమార్ డిమాండ్ చేశారు. బుధవారం ఎస్ఎఫ్ఐ మెదక్ జిల్లా కమిటీ ఆధ్వర్యంలో మెదక్ ఆర్డీవో కార్యాలయం ముందు ధర్నా నిర్వహించడం జరిగింది. అనంతరం ఆర్డీవో రమాదేవి కి వినతి పత్రం అందజేశారు. ఈ సందర్భంగా ఆయన మాట్లాడుతూ గత 6 సంవత్సరాల కాలంగా ఫీజు రియంబర్స్ మెంట్, స్కాలర్షిప్స్ 8145 కోట్ల బకాయిలు విడుదల చేయడంలో జాప్యం చేస్తుందని ఆయన ఆరోపించారు. ఫీజు రియంబర్స్ మెంట్, స్కాలర్షిప్స్ అనేది ఆర్థికంగా వెనుకబడిన విద్యార్థులకు విద్యా అవకాశాలను అందించడానికి భారత రాజ్యాంగం కల్పించిన హక్కు అది ఎవరి బిక్ష కాదని అన్నారు. ఎస్సీ ఎస్టీ బీసీ మైనార్టీ వర్గాలు ఉన్నత విద్య అందుకుని ఈ సమాజంలో ఉన్నతమైన స్థాయిలో ఉండటం ద్వారానే ఈ సమాజాభివృద్ధి సాధిస్తుంది అన్నారు. భారత దేశంలోనే విద్యాశాఖ మంత్రి లేని రాష్ట్రం కేవలం తెలంగాణ రాష్ట్రం అన్నారు. ఇప్పటికైనా ఈ రాష్ట్ర ప్రభుత్వం విద్యార్థుల బకాయిలను విడుదల చేయాలని లేకపోతే రాష్ట్రంలో ఎస్ఎఫ్ఐ ఆధ్వర్యంలో పెద్ద ఎత్తున ఆందోళనలు చేస్తామని హెచ్చరించారు. ఈ కార్యక్రమంలో ఎస్ఎఫ్ఐ టౌన్ బాధ్యులు అజయ్ టౌన్ కార్యదర్శి కార్తీక్, నాయకులు బస్వలింగం, నితిన్, రాజు, కిరణ్, రవి విద్యార్థులు తదితరులు పాల్గొన్నారు.
వసతి గృహ సంక్షేమ అధికారులు అప్రమత్తంగా ఉండాలి..ఉన్నతమైన విద్యా ప్రమాణాలే లక్ష్యం... కుల్చారం బీసీ సంక్షేమ శాఖ వసతి గృహ నిర్వహణ తీరు ఇతర వసతి గృహాలకు...
