అమీన్పూర్,జనవరి 02
(ప్రజా స్వరం)
గ్రేటర్ హైదరాబాద్ మున్సిపల్ కార్పొరేషన్ అమీన్పూర్ సర్కిల్లో నిర్వహిస్తున్న స్పెషల్ సానిటేషన్ డ్రైవ్లో భాగంగా శేరిలింగంపల్లి జోనల్ కమిషనర్ భోర్ఖడే హేమంత్ సహదేయోరావు, అమీన్పూర్ సర్కిల్ డిప్యూటీ కమిషనర్ డి. ప్రదీప్ కుమార్ పర్యటించారు.
బిరంగూడ, అమీన్పూర్ డివిజన్ పరిధిలోని పార్కుల్లో కొనసాగుతున్న పారిశుద్ధ్య పనులను వారు క్షుణ్ణంగా పరిశీలించారు. పారిశుద్ధ్య నిర్వహణలో ఎలాంటి లోపాలు తలెత్తకుండా తగిన చర్యలు తీసుకోవాలని అధికారులను ఆదేశించారు. అలాగే పార్కులు, ఖాళీ స్థలాల్లో మరిన్ని చెట్లు నాటుతూ పచ్చదనాన్ని పెంపొందించాలని సూచించారు.
ఈ కార్యక్రమంలో DEE వెంకటరమణ, ఆఫీస్ సిబ్బంది, కాలనీ వాసులు పాల్గొన్నారు.
