జగదేవ్ పూర్, ఏప్రిల్ 13, (ప్రజాస్వరం ):
జగదేవ్పూర్ మండలం వట్టిపల్లి గ్రామంలో సర్పంచ్ విద్యాధర్, ఉపసర్పంచ్ నాగరాజు అధ్యక్షతన గ్రామసభను నిర్వహించారు. ఈ సందర్భంగా వాహనదారులకు రోడ్డు భద్రతా నియమాలపై అవగాహన కల్పించారు. ద్విచక్ర వాహనదారులు తప్పనిసరిగా హెల్మెట్ ధరించాలని, రోడ్లపై అతివేగంతో వెళ్లకుండా జాగ్రత్తలు పాటించాలని సూచించారు. ప్రమాదాల నివారణకు ప్రతి ఒక్కరూ సహకరించాలని కోరారు.
ఈ కార్యక్రమంలో పంచాయతీ కార్యదర్శి భాను, ఎఫ్ఏ రమేష్, అమరేందర్ రెడ్డి, అంగన్వాడీ టీచర్లు, ఆశా వర్కర్లు, గ్రామ పాలకవర్గ సభ్యులు మరియు గ్రామస్థులు పెద్ద సంఖ్యలో పాల్గొన్నారు.
