మేడ్చల్, ఫిబ్రవరి 26 (ప్రజాస్వరం):
మేడ్చల్ విద్యుత్ శాఖలో లైన్మెన్ల హవా కొనసాగుతుందని ఆరోపణలు జోరుగా వినిపిస్తున్నాయి. కొత్త కనెక్షన్లు, మీటర్ మార్పులు, మరియు ట్రాన్స్ఫార్మర్ పనుల కోసం వినియోగదారుల నుండి లంచాలు డిమాండ్ చేస్తూ అవినీతికి పాల్పడుతున్నారు.₹2,000 నుండి లక్షల్లో లంచాలు వసూలు చేస్తున్నట్లు ఆరోపణలు ఉన్నాయి. అసిస్టెంట్ ఇంజనీర్ మరియు లైన్మెన్లు, అవినీతికి పాల్పడి సస్పెండ్ అయిన సందర్భాలు ఇటీవల తెలంగాణలో వెలుగు చూసినప్పటికి మేడ్చల్ లో మాత్రం ఏ మార్పు రావట్లేదు.లంచం ఇవ్వకపోతే ఎదో ఒక సాకు చెప్పి రిజెక్ట్ చేస్తూన్నారనే ఆరోపణలు చాలానే ఉన్నాయి. ఇప్పటికైనా ఏసిబి అధికారులు మేడ్చల్ విద్యుత్ శాఖ కార్యాలయం పై నిఘా పెట్టి అవినీతి జరగకుండా చూడాలని కోరుతున్నారు.
