నార్సింగి, మార్చి 28 ( ప్రజాస్వరం ):
నార్సింగి మండలంలోని శేరిపల్లి గ్రామంలో ఎన్ఆర్ఈజీఎస్ నిధుల ద్వారా రూ.5 లక్షలతో మంజూరైన సీసీ రోడ్డు పనులను సర్పంచ్ సంతోష గొండ స్వామి యాదవ్ శనివారం ప్రారంభించారు. ఈ సందర్భంగా ఆమె మాట్లాడుతూ ఆరో వార్డులో మట్టి రోడ్ల వల్ల ప్రజలు పడుతున్న ఇబ్బందులను గమనించి ఈ పనులు చేపట్టినట్లు ఆమె తెలిపారు. గ్రామాభివృద్ధికి తమ ప్రభుత్వం నిరంతరం కృషి చేస్తుందని పేర్కొన్నారు. గ్రామంలో అవసరమైన విధుల్లో సిసి రోడ్లు అండర్ డ్రైనేజ్ నిర్మిస్తామని, మండలంలో గ్రామాన్ని ఆదర్శ గ్రామంగా తీర్చిదిద్దుతామని సర్పంచ్ తెలిపారు. ఈ కార్యక్రమంలో వార్డు సభ్యులు అరుణ్ యాదవ్, మల్లేశం గజవెల్లి నవీన్, కందరి శ్రీనివాస్, జంగర్ల మురళి, మానస కుమార్, మానస నవీన్, లక్ష్మి వెంకటేశం, శివ్వొల లక్ష్మి, కార్యదర్శి నాగరాజు, గ్రామస్థులు మల్లేశం, శ్రీనివాస్, తదితరులు పాల్గొన్నారు.
