గజ్వేల్ / కొండపాక , జనవరి 09 (ప్రజాస్వరం):
కొండపాక మండలం తిమ్మారెడ్డిపల్లి జిల్లా పరిషత్ ఉన్నత పాఠశాలలో శుక్రవారం కొండపాక మండల ఎడ్యుకేషన్ ఆఫీసర్ శ్రీనివాస్ రెడ్డి చేతుల మీదుగా గ్రామ సర్పంచ్ కొయ్యడ వెంకటేశం తో పాటు వార్డ్ సభ్యులను సన్మానించి శుభాకాంక్షలు తెలియజేశారు . ఈ సందర్బంగా మాట్లాడుతూ గ్రామాభివృద్ధి తో పాటు, పాఠశాల అభివృద్ధి కొరకు సర్పంచ్ ప్రత్యేక చొరవ తీసుకోవాలని కోరారు. అనంతరం సర్పంచ్ మాట్లాడుతూ పాఠశాల అభివృద్ధి కొరకు ఎల్లవేళలా సహాయ సహకారాలు అందిస్తానని హామీ ఇచ్చారు. ఈ కార్యక్రమంలో ప్రధానోపాధ్యాయులు ప్రసన్నమని, అమ్మ ఆదర్శ కమిటీ చైర్మన్ నవిత, వార్డు సభ్యులు జ్యోతి సంజీవ్, గద్దె రాజు, తుమ్మ స్వాతి, కుమ్మరి ఎల్లం, తుమ్మ నాగయ్య, వడ్ల సుజాత, ఉపాధ్యాయ బృందం, తదితరులు పాల్గొన్నారు.
