చైనా మాంజ తొలగింపుకు స్పెషల్ డ్రైవ్
బొల్లారం, జనవరి 31(ప్రజాస్వరం):
పక్షులకు, మనుషులకు ప్రాణాంతకంగా మారుతున్న చైనా మాంజ వల్ల ప్రమాదాలు జరగకుండా సైబరాబాద్ పోలీస్ కమిషనర్ ఆదేశాల మేరకు బొల్లారం పోలీస్ స్టేషన్ పరిధిలో ప్రత్యేక డ్రైవ్ నిర్వహించారు.
చెట్లపై, ఎలక్ట్రికల్ స్థంభాలపై చిక్కుకున్న చైనా మాంజను ప్రజల సహకారంతో పోలీస్ సిబ్బంది తొలగించారు. ఈ సందర్భంగా రహదారులపై ప్రయాణించే వాహనదారులు, కాలనీవాసులు ఎదుర్కొంటున్న ప్రమాదాలను నివారించే చర్యలు చేపట్టారు.
ఈ కార్యక్రమం సందర్భంగా పోలీస్ శాఖ పత్రికా ముఖంగా ప్రజలకు విజ్ఞప్తి చేస్తూ, నిషేధిత చైనా మాంజను ఎట్టి పరిస్థితుల్లోనూ వినియోగించవద్దని సూచించింది. చైనా మాంజ వాడకం వల్ల మనుషులు, పక్షులు తీవ్రంగా గాయపడే ప్రమాదం ఉందని బొల్లారం సీఐ మూల రవీందర్ రెడ్డి హెచ్చరించారు.
