జగదేవ్ పూర్, మార్చి 27 (ప్రజాస్వరం ):
జగదేవ్పూర్ మండల పరిధిలోని ప్రసిద్ధ పుణ్యక్షేత్రమైన జంగంరెడ్డిపల్లి గ్రామంలో వెలసిన శ్రీ సీతారామచంద్ర స్వామి ఆలయంలో సీతారాముల కళ్యాణ మహోత్సవం అత్యంత వైభవంగా, ఆధ్యాత్మిక శోభతో నిర్వహించబడింది. శ్రీరామనవమి పర్వదినాన్ని పురస్కరించుకుని ఆలయ అర్చకులు వేద మంత్రోచ్ఛారణల మధ్య శాస్త్రోక్తంగా స్వామివారి కళ్యాణ ఘట్టాన్ని పూర్తి చేశారు.ఈ వేడుకలో స్థానిక సర్పంచ్ రజిత అశోక్, ఉప సర్పంచ్ నరసింహులు, మరియు కాంగ్రెస్ పార్టీ సీనియర్ నాయకులు హనుమంత రెడ్డి ముఖ్య అతిథులుగా పాల్గొన్నారు. వీరు స్వామివారికి ప్రత్యేక పూజలు నిర్వహించి, తీర్థప్రసాదాలు స్వీకరించారు.ఈ సందర్భంగా వారు మాట్లాడుతూ.. గ్రామ ప్రజలందరూ ఆయురారోగ్యాలతో, సుఖసంతోషాలతో ఉండాలని స్వామివారిని వేడుకున్నట్లు తెలిపారు. ఆలయ అర్చకులు మరియు గ్రామ ప్రముఖుల సమక్షంలో జరిగిన ఈ ఉత్సవానికి జంగంరెడ్డిపల్లి మరియు చుట్టుపక్కల గ్రామాల నుండి భక్తులు భారీ సంఖ్యలో తరలివచ్చారు. కళ్యాణం అనంతరం భక్తులందరికీ భారీ స్థాయిలో అన్నదాన కార్యక్రమం ఏర్పాటు చేశారు.
