దుబ్బాక ఎమ్మెల్యే కొత్త ప్రభాకర్ రెడ్డి సంతాపం
దౌల్తాబాద్, నవంబర్ 2 (ప్రజాస్వరం):
దుబ్బాక ఎమ్మెల్యే కొత్త ప్రభాకర్ రెడ్డి ఆధ్వర్యంలో ఆదివారం మాజీ మంత్రివర్యులు, సిద్దిపేట ఎమ్మెల్యే తన్నీరు హరీష్ రావు గారి తండ్రి కీర్తిశేషులు సత్యనారాయణ రావు ఇటీవల మరణించిన నేపథ్యంలో హరీష్ రావుని వారి హైదరాబాద్ నివాసంలో కలుసుకున్నారు. ఈ సందర్భంగా సత్యనారాయణ రావు చిత్రపటానికి పూలమాల వేసి నివాళులర్పించారు.ఈ కార్యక్రమంలో కొడకండ్ల శ్రీరామ శరణ్ శర్మ గురువుగారు, దొమ్మాట మాజీ సర్పంచులు కొమ్మేరా పూజిత వెంకట్ రెడ్డి, అప్పవారు శ్రీనివాస్, చిట్టాపూర్ రాజు, బిఆర్ఎస్ నాయకుడు కృష్ణ తదితరులు పాల్గొన్నారు.
