కాలువలో పడిపోయిన కమిండ్ల గణేష్..
పోలీసులు, ఫైర్ సిబ్బందితో గాలింపు...
మాసాయిపేట , సెప్టెంబర్ 24 (ప్రజాస్వరం) :
గణేష్ నిమజ్జన కార్యక్రమంలో విషాదకర ఘటన చోటుచేసుకుంది. నిమజ్జనం సందర్భంగా కమిండ్ల గణేష్ ప్రమాదవశాత్తు హల్డీ ప్రాజెక్టు కాలువలో పడిపోయినట్లు సమాచారం. విషయం తెలుసుకున్న పోలీసులు, ఫైర్ సిబ్బంది వెంటనే ఘటనాస్థలానికి చేరుకుని గాలింపు చర్యలు చేపట్టారు.ఫైర్ సిబ్బంది, గజ ఈతగాళ్ల సహాయంతో కాలువలో గణేష్ కోసం విస్తృతంగా గాలిస్తున్నారు. ఘటనతో కుటుంబ సభ్యులు, బంధువులు తీవ్ర ఆందోళనకు గురయ్యారు.కాగా, గణేష్ ఇటీవలే తన చెల్లెలి వివాహాన్ని జరిపించినట్లు కుటుంబ సభ్యులు తెలిపారు. నిమజ్జన సమయంలో ఈ ఘటన చోటుచేసుకోవడంతో గ్రామంలో విషాద వాతావరణం నెలకొంది. గాలింపు చర్యలు కొనసాగుతున్నాయి.
