ప్రజాస్వరం, మెదక్ / తూప్రాన్ :
మెదక్ జిల్లా మనోహరాబాద్ మండల బీ ఆర్ ఎస్ నాయకులను పోలీసులు అదుపులోకి తీసుకున్నారు. జరుగుతున్న పరిస్థితులను దృష్టిలో ఉంచుకొని మనోహరాబాద్ పోలీసులు మండలంలో ఉన్న బీఆర్ఎస్ నాయకులను ముందస్తు అరెస్టు చేశారు. అనంతరం మనోహరాబాద్ పోలీస్ స్టేషన్ నుంచి తూప్రాన్ డిఎస్పి కార్యాలయానికి తరలించారు. ఉదయం నుంచి వారిని పోలీసుల అదుపులోనే ఉంచారు. ఎర్రవల్లి లో జరుగుతున్న పరిణామాలను దృష్టిలో ఉంచుకొని ఈ చర్యలు చేపట్టినట్లు తెలుస్తుంది. రాష్ట్ర నాయకులు శేఖర్ గౌడ్, మండల బీఆర్ఎస్ పార్టీ మాజీ అధ్యక్షులు పురం మహేశ్వర్ ముదిరాజ్, నాయకులు లక్ష్మణ్ సింగ్ , రేణు కుమార్ నరేందర్ గౌడ్, కాయితయ్య, సాయి, మహేష్, బిక్షపతి తదితరులు పోలీస్ స్టేషన్ లో ఉన్నారు.
