హైదరాబాద్ (ప్రజాస్వరం ) :
శేరిలింగంపల్లి చందా నగర్ మియాపూర్ ప్రాంతాలలో భారీ వర్షాలు ఎక్కువగా కురుస్తున్న ఏరియాలను సైబరాబాద్ కమీషనర్ అవినాష్ మహంతి పరిశీలించారు. మియాపూర్ ట్రాఫిక్ పోలీస్ పరిధిలోని గంగారాం వాటర్-లాగింగ్ పాయింట్, మై హోమ్ మంగళ రైల్వే అండర్ బ్రిడ్జి , అనేక ఇతర కీలక ప్రదేశాలను సందర్శించారు. సైబరాబాద్ అంతటా కురుస్తున్న వర్షాలు మరియు భారీ నీటి ఎద్దడిని దృష్టిలో ఉంచుకుని, ట్రాఫిక్ సిబ్బంది అవసరమైన చోట వెంటనే ట్రాఫిక్ మళ్లింపులను అమలు చేయాలని ఆదేశించారు. అత్యవసర పరిస్థితి లలో జీహెచ్ఎంసీ , హైడ్రా తో కలిసి పనిచేయాలి. నీటి తొలగింపు. ట్రాఫిక్ ను క్రమబద్ధీకరించడం, రద్దీని తగ్గించడానికి అవసరమైన అన్ని చర్యలు తీసుకోవాలని సిబ్బందిని ఆదేశించారు.
