ప్రజాస్వరం , తూప్రాన్ : 

మెదక్ జిల్లా తూప్రాన్ మున్సిపాలిటీ లోని 16వ వార్డు లో స్పెషల్ డ్రైవ్ కార్యక్రమం లో పాల్గొన్న తూప్రాన్ మున్సిపల్ 16 వార్డు కౌన్సిలర్ బొడ్డు జ్యోత్స్న వేణు జ్యోష్న మాట్లాడుతూ..వార్డులో పేరుకు పోయిన చెత్తను తొలగించి, అండర్ డ్రైనేజీ కాలువలు మరియు మాన్హోల్స్ క్లీన్ చేపిస్తూ, వీధిలైట్లు రిపేర్ చేసి, వార్డు లోని ప్రజలతో మాట్లాడి వార్డు లోని సమస్యలను సంబధిత మున్సిపల్ అధికారులతో మాట్లాడి తక్షణం పరిష్కరించడం జరిగింది వర్షా కాలం సమిపించిన సందర్బంగా ప్రజలందరూ మీ పరిసరాల్లో నిలువ చేసిన నీరు ఉండ కుండ చూసుకోవాలని దోమల నియంత్రణ మరియు రోగాల పట్ల అప్రమత్తంగా వుండాలని కోరారు స్పెషల్ డ్రైవ్ కార్యక్రమానీకి సహకరించిన మున్సిపల్ కమీషనర్ రమేష్ స్పెషల్ డ్రైవ్ కార్యక్రమంలో పాల్గొన్న ఎన్విరాల్ మెంటల్ ఇంజినీర్ మధు మున్సిపల్ సానిటేషన్ ఇన్స్పెక్టర్ ఇర్ఫాన్ మరియు మున్సిపల్ సిబ్బంది కి కృతజ్ఞలు తెలుపుతూ.మున్సిపల్ కార్మికులతో 16 వ వార్డులో భోజనం తో స్పెషల్ డ్రైవ్ ముగించారు

ప్రజాస్వరం, మేడ్చల్:

గుండ్లపోచంపల్లి డివిజన్ కాంగ్రెస్ పార్టీ అధ్యక్ష పదవికి బండారి నరేందర్ ముదిరాజ్ ను నియమించకుండా,గరిశెల సురేందర్ ను నియమించడంతో గుండ్లపోచంపల్లి కాంగ్రెస్ పార్టీ నాయకులు మూకుమ్మడి రాజీనామా చేశారు.పార్టీని మోసం చేసి,కాంగ్రెస్ పార్టీ ఎమ్మెల్యే అభ్యర్థి,కౌన్సిలర్ల ఓటమికి కారణమయిన వ్యక్తి కి అధ్యక్ష పదవి ఇవ్వడం కరెక్ట్ కాదన్నారు.పార్టీ కోసం కష్టపడి పనిచేసిన గుర్తింపు లేక ఈ నిర్ణయం తీసుకున్నామన్నారు.

ప్రజాస్వరం, జవహర్ నగర్, జూలై 1 :

జవహర్ నగర్ పోలీస్ స్టేషన్ పరిధిలో వృద్ధుడు దారుణ హత్యకు గురైన సంఘటన చోటుచేసుకుంది పోలీసులు తెలిపిన వివరాల ప్రకారం.. జవహర్ నగర్ సంతోష్ నగర్ కు చెందిన మడిగే దేవరాజు అలియాస్ ఉప్పరి దేవరాజు (83 )గత కొద్ది కాలంగా సంతోష్ నగర్ లోని ఒక ఇంట్లో ఉంటున్నారు. అతనికి ఐదుగురు కొడుకు లు వయసు మీద పడటంతో అతనికి రోజు కొడుకులు భోజనం, బాగోగులు చూసుకుంటున్నారు. బుధవారం అయితే తేదీ ఉదయం ఏడు గంటల సమయంలో దేవరాజు పక్క ఇంట్లో ఉండే రమేష్ అనే వ్యక్తి దేవరాజు కొడుకు ఉప్పరి ప్రభాకర్ దగ్గరికి వెళ్లి రాత్రి సుమారు ఒంటిగంట సమయంలో మీ నాన్న దేవరాజ్ ఇంటికి ఎవరో గుర్తుతెలియని వ్యక్తి వచ్చారని ఇంట్లో గొడవ జరిగింది అని చెప్పగా వెంటనే ప్రభాకర్ తన తండ్రి నివసిస్తున్న ఇంటికి వెళ్లి చూడగా దేవరాజు తన గదిలో నేలపై వెలలికల పడి ఉన్నాడు. అతని తల వెనుక భాగం గాయాలు గుర్తించాడు. పక్కనగల బెడ్ పై ఒక గుర్తు తెలియని వ్యక్తి పడుకొని ఉన్నాడు. అతన్ని ప్రభాకర్ పఎవరు నువ్వు ఎందుకు ఇక్కడ ఉందాం అని అడగగా అతను పొంతనలేని సమాధానం చెప్పడంతో పోలీసులకు సమాచారం అందిస్తారు సంఘటన స్థలానికి చేరుకున్న పోలీసులు ఎక్కడున్నా వ్యక్తిని అదుపులోకి తీసుకొని ప్రశ్నించారు. తన పేరు దేవా (30 ) అని తనది సిద్దిపేట అని రాత్రి ఇక్కడ పడుకోవడానికి వచ్చానని తెలిపినాడు. రాత్రి తాను ఇక్కడికి రాగా ఒక ముసలాయన లైట్ వేశాడని దాంతో కోపం వచ్చి పిడికిలి బిగించి పలుమార్లు తల మీద గుడి చంపినట్లు తెలిపారు. ప్రభాకర్ ఫిర్యాదు మేరకు కేసు నమోదు చేసుకున్న పోలీసులు దేవాను అదుపులోకి తీసుకొని విచారిస్తున్నారు.

ప్రజాస్వరం, జవహర్ నగర్, జూలై 1 : 

జవహర్ నగర్ లోని వికలాంగుల కాలనీలో నూతనంగా నిర్మిస్తున్న శ్రీ కోదండరామ,ఆంజనేయ స్వామి ఆలయ నిర్మాణానికి జవహర్ నగర్ మాజీ మేయర్ మేకల కావ్య 50వేల రూపాయల విరాళాన్ని బుధవారం ఆలయ కమిటీ అందజేశారు. ఈ సందర్భంగా మేకల కావ్య మాట్లాడుతూ భగవంతుని ఆలయ నిర్మాణం భాగస్వామి అవ్వడం సంతోషంగా ఉందన్నారు.50 వేల రూపాయలు విరాళాన్ని అందించినందుకు కమిటీ సభ్యులు మాజీ మేయర్ కావ్య కు ప్రత్యేకంగా కృతజ్ఞతలు తెలియజేశారు.ఈ కార్యక్రమంలో ఉద్యమకారుల ఫోరం జవహర్ నగర్ అధ్యక్షుడు సుధాకర్ చారి, బీఆర్ఎస్ యువజన విభాగం అధ్యక్షుడు భార్గవరామ్, ఆలయ కమిటీ సభ్యులు,స్థానికులు పాల్గొన్నారు.

ప్రజాస్వరం, జవహర్ నగర్, జులై 1 : 

ప్రభుత్వ భూములు విక్రయించి అక్రమ నిర్మాణాలు చేపడితే కఠిన చర్యలు తీసుకుంటామని కాప్రా ఎమ్మార్వో మతిన్ హెచ్చరించారు. బుధవారం జవహర్ నగర్ లో వాళ్ళు అక్రమ నిర్మాణాలను ఎమ్మార్వో ఆదేశాల మేరకు ఆర్ఐ సత్యనారాయణ వికలాంగుల కాలనీలో 1రూమ్, చెన్నాపూర్ ప్రధాన చౌరస్తాలో షెట్టర్ అక్రమంగా నిర్మించిన నిర్మాణాలను జేసీబీ సాయంతో కూల్చి వేశారు. ప్రభుత్వ భూములు విక్రయించి ప్రజలను తప్పుదోవ పట్టించే వారిపై క్రిమినల్ చర్యలు తప్పవని, జవహర్ నగర్ లో ఎలాంటి కట్టడాలు చేపట్టరాదని హెచ్చరించారు. ఈ కార్యక్రమంలో రెవెన్యూ సిబ్బంది పాల్గొన్నారు.

ప్రజాస్వరం ,మేడ్చల్:

బీఆర్ఎస్ వర్కింగ్ ప్రెసిడెంట్ కేటీఆర్ ను బుధవారం మేడ్చల్ బీఆర్ఎస్ పార్టీ నాయకులు మర్యాదపూర్వకంగా కలిశారు. తిరుమల తిరుపతి దర్శనం చేసుకున్న మేడ్చల్ జిల్లా మాజీ గ్రంథాలయ సంస్థ మాజీ చైర్మన్ భాస్కర్ యాదవ్ కేటీఆర్ నగరంలోని పార్టీ కార్యాలయంలో కలిసి స్వామి వారి ప్రసాదం అందజేశారు. అనంతరం పలు విషయాలపై చర్చించారు. మేడ్చల్ నియోజకవర్గం లో పార్టీ అభివృద్ధి పై భాస్కర్ యాదవ్, మేడ్చల్ మండల బీఆర్ఎస్ పార్టీ అధ్యక్షుడు దయానంద్ యాదవ్ లను కేటీఆర్ అడిగి తెలుసుకున్నారు. అదేవిధంగా (Sir) కార్యక్రమంలో భాగంగా ప్రత్యేక ఓటరు సవరణ కార్యక్రమంపై బీఆర్ఎస్ నాయకులు చొరవ చూపి, ప్రజలకు అవగాహన కలిగిస్తూ, ఎలాంటి తప్పులు జరగకుండా చూస్తూ విజయవంతం అయ్యేలా చూడాలని బీఆర్ఎస్ నాయకులకు సూచించలన్నారు. నియోజకవర్గంలో పార్టీ అభివృద్ధికి మరింత కృషి చేయాలన్నారు. ప్రభుత్వ వైఫల్యాలను ప్రజలవద్ధకు తీసుకెళ్లి, బీఆర్ఎస్ ప్రభుత్వ హయాంలో చేసిన పథకాలను గుర్తు చేయాలన్నారు.

ప్రజాస్వరం, మనోహరాబాద్ : 

రైతులకు అవసరమైన యూరియా అందుబాటులో ఉంచాలని కాంగ్రెస్ ప్రభుత్వాన్ని బీఆర్ఎస్ నాయకులు డిమాండ్ చేశారు. సీ ఎం ఆర్ ఎఫ్ చెక్కుల పంపిణీ చేసిన వారు మాట్లాడుతూ కేసీఆర్ అధికారం లో సీఎం గా ఉండి రైతులకు చేసిన మేలు ఎవరు చేయరని రైతులను అన్ని రంగాల్లో అభివృద్ధి చేసిన గొప్ప నాయకుడని అన్నారు. కాంగ్రెస్ ప్రభుత్వం అవసరమైన యూరియా అందుబాటులో ఉంచాలని యాప్ ద్వారా యూరియా పంపిణీని వెంటనే రద్దు చేయాలని డిమాండ్ చేశారు. ఈ కార్యక్రమంలో బీఆర్ఎస్ రాష్ట్ర నాయకులు ర్యాకల శేఖర్ గౌడ్, మండల పార్టీ మాజీ అధ్యక్షులు పురం మహేష్ ముదిరాజ్, పర్కిబండ సర్పంచ్ మోతీబాయ్ లక్ష్మణ్ సింగ్, ఉప సర్పంచుల ఫోరం జిల్లా మాజీ అధ్యక్షులు పంచమి రేణు కుమార్ , దండుపల్లి మాజీ ఉప సర్పంచ్ మహేందర్ గౌడ్, ఆత్మ కమిటీ మాజీ డైరెక్టర్ భిక్షపతి, కాళ్లకల్ మైనార్టీ సెల్ నాయకులు ఇర్ఫాన్, నర్సింలు తదితరులు పాల్గొన్నారు.

ప్రజాస్వరం, తూప్రాన్ : 

మెదక్ జిల్లా తూప్రాన్ మండలం నాగులపల్లి శివారు స్టేషన్ మాసాయిపేట వద్ద జరిగిన రోడ్డు ప్రమాదంలో యువకుడు గాయపడినట్లు గ్రామస్థులు తెలిపారు. తూప్రాన్ మండలం ఇస్లాంపూర్ గ్రామానికి చెందిన కురుమ రాజు (26) మంగళవారం రాత్రి తూప్రాన్ నుంచి స్వగ్రామానికి వెళ్తున్నాడు. హైవే బ్రిడ్జి సర్వీస్ రోడ్డులో ద్విచక్ర వాహనంపై వెళ్తుండగా ప్రమాదానికి గురయ్యాడు. తీవ్రంగా గాయపడిన రాజును తూప్రాన్ ప్రభుత్వ ఆసుపత్రికి తరలించారు.ప్రమాదానికి కారణమైన పూర్తి విషయాలు తెలువాల్సి ఉంది.

ప్రజాస్వరం , మేడ్చల్:

సర్ ప్రక్రియపై అప్రమత్తంగా ఉండాలని మాజీ సర్పంచ్ జగన్ రెడ్డి ఓటర్లకు సూచించారు.గుండ్లపోచంపల్లి డివిజన్ గౌడవెల్లిలో జరుగుతున్న సర్ ప్రక్రియను ఆయన పలువురు టీఆర్ఎస్ నేతలతో కలిసి పరిశీలించారు.ఓటు హక్కు ఉన్న ప్రతి ఒక్కరూ బీఎల్వోలు ఇచ్చే ఎన్యుమరేషన్ ఫారాలను నింపి, అందజేయాలన్నారు.సర్ ప్రక్రియను నిర్లక్ష్యం చేస్తే ఓట్లు గల్లంతయ్యే ప్రమాదం ఉందన్నారు.ఓటు హక్కును కోల్పోతే భవిష్యత్లో జరిగే ఎన్నికల్లో పాల్గొనే అవకాశం ఉండదన్నారు. ఏ ఒక్క ఓటు కూడా గల్లంతు కాకుండా బీఆర్ఎస్ నాయకులు ఓటర్ జాబితాను పరిశీలిస్తూ సర్ ప్రక్రియలో ఎన్యుమరేషన్ పత్రాలను సమర్పించారా లేదా వాకబు చేయాలన్నారు. బీహార్, పశ్చిమబెంగాల్లో ప్రాంతీయ పార్టీలు ఓడిపోయాయన్నారు. ఏ ఒక్క ఓటు కూడా సర్ లో పోకుండా చూడాలని వీఎజీవోలకు సూచించారు. అవసరమైన సహాయ సహకారాలు అందించడానికి తాము సిద్ధంగా ఉన్నామన్నారు. ఈ కార్యక్రమంలో బీఆర్ఎస్ మాజీ మండల అధ్యక్షుడు రాజు, నాయకులు నర్సింహ గౌడ్, సుదర్శన్ రెడ్డి, శ్రీనివాస్ రెడ్డి, ప్రభాకర్, సదానంద్,సింహాల్ యాదవ్, శ్రీనివాస్ రెడ్డి తదితరులు పాల్గొన్నారు.

నా పేరు జుబేర్ అహ్మద్ మేడం.... 

మున్సిపల్ లో ఏం జరుగుతుందో చైర్మన్ కే తెలీదు....

కౌన్సిలర్ కంటే పంచర్ షాప్ బెటర్...

మీడియా పై ఆంక్షలు, అభివృద్ధి పనులపై కౌన్సిలర్ల ఆగ్రహం...

ప్రజాస్వరం ,మెదక్, జూన్ 30 : 

మెదక్ మున్సిపల్ కార్యాలయంలో మున్సిపల్ చైర్‌పర్సన్ రాధిక అధ్యక్షతన నిర్వహించిన సాధారణ సర్వసభ్య సమావేశంలో మీడియా పై ఆంక్షలు, అభివృద్ధి పనులు, వార్డుల సమస్యలు ప్రధాన చర్చనీయాంశాలయ్యాయి. ముందుగా నూతన మున్సిపల్ కమిషనర్ నవీన్ కౌన్సిలర్స్ ను శాలువాతో ఘనంగా సన్మానించారు. అనంతరం ఈ సమావేశంలో పలువురు కౌన్సిలర్లు తమ వార్డుల సమస్యలను ప్రస్తావిస్తూ అధికారుల తీరుపై అసంతృప్తి వ్యక్తం చేశారు. 9వ వార్డు కౌన్సిలర్ జుబేర్ అహ్మద్ మాట్లాడుతూ సమావేశంలో మీడియా ప్రతినిధులు ఫోటోలు, వీడియోలు తీయవద్దని చెప్పడం వారి హక్కులను హరించడమేనని వ్యాఖ్యానించారు. ఇదే సమయంలో చైర్‌పర్సన్ రాధిక తన పేరును పొరపాటున "షమీ"గా సంబోధించగా, "నా పేరు జుబేర్ మేడం" అని ఆయన సరిదిద్దారు. కౌన్సిలర్ పేరు గుర్తు లేకపోవడంపై సమావేశంలో చర్చ జరిగింది.29 వ వార్డు కౌన్సిలర్ బట్టి ఉదయ్ మాట్లాడుతూ మీడియాపై ఆంక్షలు విధించడం సమంజసం కాదన్నారు. ప్రజా సమస్యలను పరిష్కరించే సమావేశాల్లో వీడియోలు తీయడానికి మీడియాకు అనుమతి ఇవ్వాలని కోరారు. తమ వార్డులో నీటి సమస్య పరిష్కారానికి అమృత్ పథకం నిధులను వినియోగించాలని సూచించారు. వార్డు సమస్యలపై మాట్లాడానికి కమిషనర్‌ కు ఫోన్ చేస్తే కనీసం స్పందించక పోవడం విడ్డూరంగా ఉందన్నారు. మున్సిపాలిటీలో ఏం జరుగుతుందో చైర్మన్ కు, అధికారులకు తెలియకపోవడం గా విడ్డూరంగా ఉందన్నారు. మున్సిపాలిటీకి సొంత జేసీబీ ఉన్నప్పటికీ ప్రైవేట్ జేసీబీ కి 2 లక్షలు ఖర్చు చేశారని ఆరోపించారు. అలాగే పంచర్ మరమ్మతులకు 40 వేల, ఈ నెల 20 వేలు ఖర్చు చేయడాన్ని చూస్తూ కౌన్సిలర్ కంటే పంచర్ షాప్ పెట్టుకున్నది బెటర్ అని వ్యంగ్య వ్యాఖ్యలు చేశారు.22 వ వార్డు కౌన్సిలర్ గౌస్ ఖురేషి మాట్లాడుతూ గత సమావేశంలో తమ వార్డును పరిశీలిస్తామని చెప్పిన చైర్‌పర్సన్, కమిషనర్ ఇప్పటి వరకు రాలేదన్నారు. వర్షాకాలంలో తమ వార్డులోని చమన్ ప్రాంతంలో చిన్న వర్షానికే మోకాలి లోతు వరకు నీరు నిలుస్తోందని, వెంటనే శాశ్వత పరిష్కారం చూపాలని కోరారు. బోనాల సందర్భంగా అన్ని బ్యానర్లు తొలగించి ఒక బ్యానర్ మాత్రమే ఉంచడం సరైంది కాదన్నారు. రాజకీయాలకు అతీతంగా అభివృద్ధి, పారిశుద్ధ్యం పై దృష్టి సారించాలని సూచించారు.19 వ వార్డు గంట సంపత్ మాట్లాడుతూ వార్డులోని గాంధీనగర్ లో తాగునీటి సమస్య ను పరిష్కరించాలని, పలు చోట్ల డ్రైన్స్, సీసీ రోడ్డు సమస్య ను పరిష్కరించాలని కోరారు. వార్డులో వీధి దీపాల పాడితే నా సొంత నిధులతో వీధి దీపాలు తీసుకుని వచ్చిన వాటిని బిగించేందుకు మున్సిపల్ సిబ్బంది సహకరించడం లేదన్నారు. ప్రభుత్వం నిధులతో నూతనంగా చర్చ్ ప్రాంగణంలో వేసిన సీసీ రోడ్డు ప్రమాదాలు జరుగుతున్నాయని, వాటి పరిష్కారం కోసం స్పీడ్ బ్రేక్ ఏర్పాటు చేయాలని కోరారు. రానున్న వర్షాకాలంలో దృశ్య వార్డుల వారిగా స్పెషల్ డ్రైవ్ నిర్వహించేందుకు ప్రణాళికలు సిద్ధం చేయాలని కోరారు. చర్చ్ అద్దె గదుల్లో ఉంచిన ఇందిరమ్మ చీరలను అద్దె కట్టుకున్న సరే కానీ ఎలుకలు కొట్టక ముందే లబ్దిదారులకు పంపిణీ చేయాలని అన్నారు. ఈ కార్యక్రమంలో మున్సిపల్ కమిషనర్ నవీన్, కౌన్సిలర్స్, మున్సిపల్ అధికారులు, తదితరులు పాల్గొన్నారు.

ప్రజాస్వరం , మేడ్చల్:

ప్రభుత్వ పాలిటెక్నిక్ కళాశాలలో మిగిలిపోయిన సీట్ల భర్తీ కోసం స్పాట్ అడ్మిషన్ తీసుకుంటున్నట్లు కళాశాల ప్రిన్సిపాల్ జి.అరుంధతి తెలిపారు. 1వ తేదీ నుండి 3 వ తేదీ సాయంత్రం 4 గంటల లోపు అర్హులైన దరఖాస్తుదారులు కళాశాలలో సంప్రదించాలని తెలిపారు. ఈ నెల 4 వ తేదీ ఉదయం 9:30 గంటలకు ఒరిజినల్ ట్రాన్స్ఫర్ సర్టిఫికేట్ (టి.సి)తో హాజరు కావాలని తెలిపారు.మరిన్ని వివరాల కోసం ఈ ఫోన్ నంబర్లో 8096951516, 9347615836, 9490070704సంప్రదించాలని కోరారు.

ప్రజాస్వరం ,మేడ్చల్:

టీఆర్ఎస్ రాష్ట్ర నాయకుడు ఎత్తారి మారన్న గత మూడు రోజులుగా అనారోగ్యంతో బాధ పడుతున్నారు. విషయం తెలుసుకున్న  టీఆర్ఎస్ పార్టీ రాష్ట్ర అధ్యక్షురాలు కవిత మేడ్చల్ లోని మెడినోవా ఆసుపత్రి లో ఆయనను పరామర్శించారు.ప్రతి కార్యకర్తకు అండగా ఉంటానన్నారు.మారన్న ఆరోగ్య పరిస్థితి పై వైద్యులను అడిగి తెలుసుకున్నారు.ఈ కార్యక్రమంలో మేడ్చల్ నియోజకవర్గ ఇంచార్జి గుర్రం వెంకటేష్,మహిళ అధ్యక్షురాలు స్వర్ణ లతో పాటు తదితరులు ఉన్నారు.

రైతులు పండించిన ప్రతి పంటను కొనుగోలు చేయాల్సిన బాధ్యత ప్రభుత్వానిదే....

అధికారులు స్పష్టమైన హామీ ఇచ్చే వరకు కలెక్టరేట్‌ను వీడేది లేదు....

జొన్నలు కొనకపోతే బీఆర్ఎస్ ఆధ్వర్యంలో వంటావార్పు: హెచ్చరిక.

ప్రజాస్వరం , మెదక్ ,జూన్ 30  : 

జొన్నలు పండించిన రైతులను ప్రభుత్వం నిర్లక్ష్యం చేయడం సరికాదని, రైతులు పండించిన ప్రతి పంటను కొనుగోలు చేయాల్సిన బాధ్యత ప్రభుత్వానిదేనని, అధికారులు స్పష్టమైన హామీ ఇచ్చే వరకు కలెక్టరేట్‌ను వీడబోమని, ప్రభుత్వం స్పందించకపోతే బీఆర్ఎస్ ఆధ్వర్యంలో వంటావార్పు చేపట్టి రైతుల తరఫున ఉద్యమాన్ని ఉధృతం చేస్తామని మాజీ డిప్యూటీ స్పీకర్ ఏం పద్మ దేవేందర్ రెడ్డి హెచ్చరించారు. మెదక్ జిల్లా రామాయంపేట మండలంలోని దంతేపల్లి, కాట్రియల, పర్వతాపూర్, కిషన్ తండా, జామ్లా తండా గ్రామాలకు చెందిన రైతులు జొన్నల కొనుగోలును వెంటనే ప్రారంభించాలని డిమాండ్ చేస్తూ మంగళవారం మెదక్ కలెక్టరేట్ కార్యాలయం ఎదుట బైఠాయించి మాజీ డిప్యూటీ స్పీకర్ ఎం. పద్మా దేవేందర్ రెడ్డి, మాజీ ఎమ్మెల్సీ శేరి సుభాష్ రెడ్డి రైతులతో కలసి ధర్నా నిర్వహించి సంఘీభావం ప్రకటించారు. జొన్నలను కొనుగోలు చేసిన అనంతరం మట్టి పేల్లలు ఉన్నాయనే కారణంతో మార్క్‌ఫెడ్ అధికారులు తిరిగి వెనక్కి పంపడాన్ని నిరసిస్తూ రైతులు ప్రభుత్వానికి వ్యతిరేకంగా నినాదాలు చేశారు.ఈ సందర్భంగా మాజీ డిప్యూటీ స్పీకర్ ఎం. పద్మా దేవేందర్ రెడ్డి మాట్లాడుతూ రైతులు ఎంతో కష్టపడి పండించిన జొన్నలను ప్రభుత్వం కొనుగోలు చేయకుండా నిర్లక్ష్యంగా వ్యవహరించడం బాధాకరమన్నారు. ఇప్పటికే కొనుగోలు చేసిన జొన్నలను నాణ్యత పేరుతో, మట్టి పేల్లలు ఉన్నాయనే సాకుతో తిరిగి రైతులకే అప్పగించడం వల్ల రైతులు తీవ్ర ఆర్థిక ఇబ్బందులు ఎదుర్కొంటున్నారని ఆవేదన వ్యక్తం చేశారు. ఈ సమస్యపై వ్యవసాయ శాఖ మంత్రి తుమ్మల నాగేశ్వరరావుతో ఫోన్‌లో మాట్లాడి పూర్తి వివరాలు తెలియజేసినట్లు తెలిపారు. మార్క్‌ఫెడ్ అధికారులు జొన్నలను తిరిగి పంపిన విషయాన్ని మంత్రి దృష్టికి తీసుకెళ్లినట్లు చెప్పారు. జొన్నల కొనుగోలుపై అధికారులు స్పష్టమైన హామీ ఇచ్చే వరకు కలెక్టరేట్ కార్యాలయం నుంచి కదిలే ప్రసక్తే లేదని స్పష్టం చేశారు. ప్రభుత్వం వెంటనే కొనుగోలు కేంద్రాలను ప్రారంభించి రైతుల నుంచి జొన్నలను కొనుగోలు చేయాలని డిమాండ్ చేశారు. రైతులకు న్యాయం జరిగే వరకు బీఆర్ఎస్ పార్టీ అండగా ఉంటుందని, ప్రభుత్వం స్పందించకపోతే బీఆర్ఎస్ ఆధ్వర్యంలో కలెక్టరేట్ ఎదుట వంటావార్పు కార్యక్రమం నిర్వహిస్తూ రైతుల పక్షాన ఉద్యమాన్ని మరింత ఉధృతం చేస్తామని హెచ్చరించారు.మాజీ ఎమ్మెల్సీ శేరి సుభాష్ రెడ్డి మాట్లాడుతూ ఈ ఏడాది జొన్న పంట సాగు చేసిన రైతులు మార్కెట్‌లో సరైన ధర లేక, ప్రభుత్వ కొనుగోళ్లు లేక తీవ్ర ఇబ్బందులు ఎదుర్కొంటున్నారని అన్నారు. రైతులు పండించిన ప్రతి పంటను గిట్టుబాటు ధరకు కొనుగోలు చేయాల్సిన బాధ్యత ప్రభుత్వానిదేనని స్పష్టం చేశారు. మట్టి పేల్లలు ఉన్నాయనే కారణంతో జొన్నలను తిరస్కరించడం సమంజసం కాదన్నారు. గతంలో మొలకలు వచ్చిన ధాన్యాన్ని కూడా ప్రభుత్వం కొనుగోలు చేసిన విషయాన్ని గుర్తు చేస్తూ, అదే విధంగా జొన్నలను కూడా వెంటనే కొనుగోలు చేయాలని డిమాండ్ చేశారు. జొన్నల కొనుగోలులో జరుగుతున్న జాప్యం వల్ల రైతులు తీవ్ర నష్టాలను చవిచూస్తున్నారని, ప్రభుత్వం ఇకనైనా స్పందించి రైతులకు న్యాయం చేయాలని కోరారు. అనంతరం మార్క్‌ఫెడ్ డిఎం, బాలకృష్ణ డిఆర్ఓ అంబదాస్ జొన్నలు కొనుగోలు చేస్తామని హామీ ఇవ్వడంతో ధర్నా విరమించారు. ఈ ధర్నాలో వివిధ గ్రామాలకు చెందిన రైతులు, మెదక్ మున్సిపల్ మాజీ చైర్మన్ అరేళ్ళ.మల్లికార్జున్, మాజీ మార్కెట్ కమిటీ చైర్మన్.కృష్ణారెడ్డి, సీనియర్ నాయకులు చౌదరి. సుప్రభాత రావు, రామాయంపేట మున్సిపల్ కౌన్సిలర్ చౌదరి చరిత, బిఆర్ఎస్, నాయకులు ఎస్కే అహ్మద్. ఉమామహేశ్వర్, శ్యామ్, స్మోకింగ్, నవీన్, దోమకొండ శ్రీను, అస్నుద్దిన్, విజయ భాస్కర్ రెడ్డి, సత్యపాల్, కిషన్ బాబు, సంతోష్, శ్రవణ్ గౌడ్, మహేష్, శ్రీకాంత్, నర్సింగరావు, మెదక్ పట్టణ నాయకులు లింగారెడ్డి ప్రభు రెడ్డి, మోచి. కిషన్, ఇందాద్, సాయి, కిరణ్, ఎంబీపూర్ మహేష్, స్వామి నాయక్, వివిధ గ్రామాల సర్పంచులు, మాజీ సర్పంచ్ లు, తదితరులు పాల్గొన్నారు.

ప్రజాస్వరం ,తూప్రాన్ , జూన్ 30 : 

మెదక్ జిల్లా తూప్రాన్ మనోహరాబాద్ శివ్వం పేట్ మండలాల చెందిన రేషన్ డీలర్లు తూకం లో తక్కువ వస్తున్నాయి అని తూప్రాన్ రేషన్ బియ్యం గోదాం వద్ద ధర్నాకు దిగారు గోదాం నుండి వచ్చే రేషన్ బియ్యం తూకం లో తక్కువ రావడం వల్ల రేషన్ డీలర్లకు నష్టం వాటిల్లుతుందని డీలర్ షాపు వద్ద బియ్యం తూకం చేసి సరఫరా చేయాలని డీలర్లు డిమాండ్ చేశారు. ప్రభుత్వం వెంటనే స్పందించి రేషన్ షాప్ డీలర్లకు జరుగుతున్న నష్టాన్ని పరిశీలించి తూకం చేసి నష్టం జరగకుండా చూడాలని డీలర్లు కోరుచున్నారు. ఈ ధర్నా లో పట్టాభి శ్రీనివాస్ రాజు షేఫీ శ్రీనివాస్ నాగేష్ తదితరులు పాల్గొన్నారు.

అర్హులైన రైతుల వివరాలు ప్రభుత్వం వెంటనే ప్రకటించాలి....

ప్రజాస్వరం, మనోహరాబాద్ : 

మనోహరాబాద్ మండల బీ ఆర్ ఎస్ పార్టీ నాయకులు లింగారెడ్డిపేట గ్రామానికి చెందిన విట్టల్ కు సీఎంఆర్ఎఫ్ చెక్కును బి ఆర్ ఎస్ నాయకులు పంపిణీ చేశారు. ఈ సందర్భంగా నాయకులు మాట్లాడుతూ ఖరీఫ్ సీజన్ లో కాంగ్రెస్ ప్రభుత్వం అందజేసే రైతు భరోసాను అర్హులైన రైతులందరికీ ఒకే దశలో పంపిణీ చేయాలని డిమాండ్ చేశారు. స్పెషల వారీగా పంపిణీ చేస్తూ రైతులకు నష్టం చేకూరుస్తున్నారని ఆరోపించారు. మొదటి దశలో రెండు ఎకరాల విస్తీర్ణం గల రైతులకు మాత్రమే అందజేస్తున్నామని చెప్తూ సుమారు రెండు వేల నాలుగు వందల కోట్ల రూపాయలు మాత్రమే విడుదల చేయడం బాధాకరమన్నారు. ఎంత విస్తీర్ణం ఉన్న రైతులకు రైతు భరోసా కల్పిస్తారో ప్రకటించాలని డిమాండ్ చేశారు. అర్హులైన రైతులందరికీ ఒకటే దశలో రైతు భరోసా పంపిణీ చేయాలని కోరారు. ఇప్పటివరకు చెల్లించలేని మూడు సీజన్ ల రైతు భరోసాను వెంటనే చెల్లించాలని డిమాండ్ చేశారు. ఈ కార్యక్రమంలో ఆ పార్టీ రాష్ట్ర నాయకులు శేఖర్ గౌడ్, బీఆర్ఎస్ పార్టీ మాజీ మండల అధ్యక్షులు పురం మహేష్ ముదిరాజ్, జిల్లా ఉప సర్పంచుల ఫోరం మాజీ అధ్యక్షులు రేణు కుమార్, దండుపల్లి మాజీ ఉపసర్పంచ్ మహేందర్ గౌడ్, మనోహరాబాద్ పట్టణ బి ఆర్ ఎస్ మాజీ అధ్యక్షులు మహిపాల్ రెడ్డి, నాయకులు దుర్గేష్ యాదవ్, వెంకటేష్ గౌడ్, శైలేందర్ తదితరులు పాల్గొన్నారు.

ప్రజాస్వరం, రామాయంపేట :

రామాయంపేట మండలం తొనిగండ్ల గ్రామంలో మెదక్ ఎమ్మెల్యే డాక్టర్ మైనంపల్లి రోహిత్ సోమవారం పర్యటించారు. గ్రామంలో రూ.10 లక్షల వ్యయంతో నూతనంగా నిర్మించిన మహిళా సమాఖ్య (మహిళా సంఘం) భవనాన్ని ఎమ్మెల్యే ప్రారంభించారు.ఈ సందర్భంగా ఎమ్మెల్యే మాట్లాడుతూ, మహిళా సంఘాలు గ్రామాభివృద్ధికి వెన్నెముకలాంటివని అన్నారు. మహిళలు స్వయం ఉపాధి, పొదుపు, ఆర్థిక స్వావలంబన దిశగా మరింత ముందుకు సాగేందుకు ప్రభుత్వం అన్ని విధాలుగా సహకరిస్తుందని తెలిపారు. మహిళా సంఘాలకు అవసరమైన మౌలిక వసతులు కల్పించడం ద్వారా వారి కార్యకలాపాలు మరింత సమర్థవంతంగా కొనసాగుతాయని పేర్కొన్నారు.మహిళా సమాఖ్య భవనం గ్రామ మహిళలకు సమావేశాలు, శిక్షణా కార్యక్రమాలు, స్వయం ఉపాధి కార్యకలాపాల నిర్వహణకు ఎంతో ఉపయోగపడుతుందని ఎమ్మెల్యే అన్నారు. గ్రామాల అభివృద్ధిలో మహిళల భాగస్వామ్యం కీలకమని, వారి అభ్యున్నతికి ప్రభుత్వం ప్రత్యేక ప్రాధాన్యత ఇస్తోందని తెలిపారు.ఈ కార్యక్రమంలో గ్రామ సర్పంచ్ శివకుమారి నాగులు, ఉపసర్పంచ్ దుర్గయ్య, కాంగ్రెస్ మండల అధ్యక్షుడు బండారు మహేందర్ రెడ్డి, మండల సర్పంచుల ఫోరం అధ్యక్షుడు మానేగళ్ల రాములు,వార్డు సభ్యులు బియ్య లక్ష్మి,వినోద్, బాలకృష్ణ, రమేష్, భాను, పలు గ్రామాల సర్పంచులు, మహిళా సంఘాల సభ్యులు, కాంగ్రెస్ పార్టీ నాయకులు, కార్యకర్తలు, గ్రామ పెద్దలు మరియు గ్రామస్తులు పాల్గొన్నారు.

ప్రజాస్వరం, మేడ్చల్ :

సోమవారం మేడ్చల్ మల్కాజిగిరి జిల్లా కలెక్టరేట్ సమావేశ మందిరంలో నిర్వహించిన ప్రజావాణి కార్యక్రమంలో జిల్లాలోని వివిధ ప్రాంతాల నుండి వచ్చిన అర్జీదారులను డిఆర్ఓ మాలతి తో కలిసి అదనపు కలెక్టరు (95) దరఖాస్తులు స్వీకరించారు. ఈ సందర్భంగా అదనపు కలెక్టరు మాట్లాడుతూ ఎంతో వ్యయ, ప్రయాసలకోర్చుకొని వారి సమస్యలను పరిష్కరిస్తామనే నమ్మకంతో ప్రజలు మన వద్దకు వస్తారని, వారి నమ్మకాన్ని నిలబెట్టాల్సిన బాధ్యత మనందరి పైన ఉన్నదని అదనపు కలెక్టర్ తెలిపారు. ప్రజావాణిలో వచ్చిన దరఖాస్తులను వెంటనే పరిష్కరించాలని దరఖాస్తుల పరిశీలనలో ఏలాంటి జాప్యం లేకుండా చూడాలని అదనపు కలెక్టరు అన్నారు. అదేవిధంగా తిరస్కరించే దరఖాస్తుల గురించి తిరస్కరణకు గల కారణాలను తప్పనిసరిగా వివరంగా అర్జీదారులకు తెలియజేయాలని అధికారులకు సూచించారు. స్వీకరించిన దరఖాస్తులపై తీసుకున్న చర్యల వివరాలను ఆన్ లైన్ లో వెంట వెంట నమోదు చేయాలని సంబంధిత అధికారులకు అదనపు కలెక్టరు సూచించారు.

ప్రజాస్వరం , మేడ్చల్ :

జిల్లాలో పోలియో కార్యక్రమం 97 శాతం విజయవంతమయిందని DMHO ఉమా గౌరి తెలిపారు.జిల్లాలో ఈ కార్యక్రమం అమలుకు 2,406 ఇంటింటి బృందాలు, 4,812 బూత్ వ్యాక్సినేటర్లు,124 ట్రాన్సిట్ పాయింట్ వ్యాక్సినేటర్లు, 80 మొబైల్ టీమ్ వ్యాక్సినేటర్లు, 271 ఏఎన్‌ఎంలు,1,260 ఆశా కార్యకర్తలు, 771 అంగన్‌వాడీ కార్యకర్తలు, 2,714 మంది వాలంటీర్లు కలిపి మొత్తం 5,016 మంది సిబ్బంది సేవలందించారని తెలిపారు.499485 మంది చిన్నారులకు పోలియో చుక్కలు వేయాల్సి ఉండగా 487845 మందికి చుక్కలు వేయడం జరిగిందన్నారు. 29,30 తేదీలలో ఇంటింటికి వెళ్లి చుక్కలు వేయనున్నట్లు తెలిపారు.

ప్రజాస్వరం , మేడ్చల్ / గుండ్లపోచంపల్లి : 

గుండ్లపోచంపల్లి 299 డివిజన్ పరిధిలో ని అంబేద్కర్ జగ్జీవన్ రామ్ కాలనిలో ఎమ్యునరేషన్ ఫారంలను BLO లతో కలిసి ఇంటింటికి తిరుగుతూ ఓటర్లకు కాంగ్రెస్ పార్టీ 299 డివిజన్ అధ్యక్షులు సాయిపేట శ్రీనివాస్, మాజీ సర్పంచ్ బండారి నరేందర్, 29 డివిజన్ ఎస్సీ సెల్ అధ్యక్షులు కుండ భానుచందర్ లు అందజేశారు. ఓటర్లకు అవగాహన కల్పిస్తూ ఫారం నింపిన తర్వాత బిఎల్ఓ లకు అందించాలని సాయి పేట శ్రీనివాస్ సూచించడం జరిగింది. కార్యక్రమంలో గుండ్లపోచంపల్లి మాజీ సర్పంచ్ బండారి నరేందర్, 299 డివిజన్ కాంగ్రెస్ పార్టీ ఎస్సి సెల్ అధ్యక్షులు కుండ భానుచందర్, బుర్కాగాళ్ల శ్రీనివాస్,BLO కిరణ్, ఎక్కడిగాళ్ల కృష్ణ,కొమ్ము కృష్ణ, తదితరులు పాల్గొన్నారు.

ప్రజాస్వరం : తూప్రాన్ : జూన్ 28 :

పేకాట ఆదుతున్నారని నమ్మదగిన సమాచారంతో పేకాట స్థావరం పై పోలీస్ లు దాడి చేసిన ఘటన చోటుచేసుకుంది.శివంపేట మండలంలోని కోతాపేట గ్రామ సమీపంలో నిర్మాణంలో ఉన్న ఓ ఇంట్లో పేకాట ఆడుతున్నారనే విశ్వసనీయ సమాచారం మేరకు శివంపేట పోలీసులు ఆదివారం ఆకస్మికంగా దాడి నిర్వహించారు. ఈ దాడిలో పేకాట ఆడుతున్న ఐదుగురు వ్యక్తులను అదుపులోకి తీసుకున్నారు.వారి వద్ద నుంచి రూ.22,930 నగదు, ఐదు మొబైల్ ఫోన్లు, పేక ముక్కలను పోలీసులు స్వాధీనం చేసుకున్నారు. నిందితులపై కేసు నమోదు చేసి దర్యాప్తు కొనసాగిస్తున్నట్లు పోలీసులు తెలిపారు.మండల పరిధిలో జూదం, పేకాట వంటి చట్టవ్యతిరేక కార్యకలాపాలకు పాల్పడే వారిపై కఠిన చర్యలు తీసుకుంటామని శివంపేట ఎస్‌ఐ హెచ్చరించారు. గ్రామీణ ప్రాంతాల్లో ఇలాంటి అసాంఘిక కార్యకలాపాలకు దూరంగా ఉండాలని ప్రజలకు సూచించారు.

ప్రజాస్వరం : తూప్రాన్  : జూన్ 28 :

కురుస్తున్న వర్షాలకు తూప్రాన్ ప్రధాన రహదారి పై నీరు ప్రవహిస్తుంది.తూప్రాన్ పట్టణంలోని శబరి మార్కెట్ ముందు పూర్తిగా నీరు నిలిచి రాకపోకలకు ఇబ్బందిగా మారింది.ఈ సందర్భంగా స్థానికులు మాట్లాడుతూ తేలికపాటి వర్షాలకే పరిస్థితి ఇలా ఉంటే రాబోయే కాలంలో బారి వర్షాలకు పట్టణ పరిస్థితి ఎలా మారుతుంది అని ఆవేదన వ్యక్తం చేస్తున్నారు.మున్సిపల్ అధికారులు స్పందించి తగిన చర్యలు తీసుకోవాలని డిమాండ్ చేస్తున్నారు.రహదారిపై రాకపోకలకు ఇబ్బందులు తలెత్తకుండా చూడాలని కోరుతున్నారు.

ప్రజాస్వరం : మేడ్చల్ : జూన్ 28 :

మేడ్చల్ పట్టణంలోని జాతీయ రహదారి 44కు అనుకొని కెఎఫ్ సి పక్కన నూతనంగా ఏర్పాటు చేసిన డాజిల్ క్లాత్ స్టోర్ ను ఎంపీ ఈటెల, ఎమ్మెల్యే చామకూర మల్లారెడ్డి లు ముఖ్య అతిథిలుగా హాజరై ఆదివారం ప్రారంభించారు.ఈ సందర్భంగా నిర్వాహకులు ఎంపీ ఈటెల కు, ఎమ్మెల్యే మల్లారెడ్డికి శాలువా కప్పి ఘనంగా సన్మానించి కృతజ్ఞతలు తెలిపారు.అనంతరం క్లాత్ స్టోర్ నిర్వాహకులు క్రాంతి కుమార్ మాట్లాడుతూ తక్కువ ధరల్లో వినియోగదారులకు నాణ్యమైన బట్టలు అందుబాటులో ఉన్నాయని పేర్కొన్నారు.అన్ని రకాల నాణ్యమైన బ్రాండ్ లు ఈ షోరూంలో అందుబాటులో ఉన్నాయని తెలిపారు.ఈ షో రూమ్ లో షార్ట్స్,టీ షార్ట్స్, జాగింగ్,వాకింగ్,ఫార్మల్ బట్టలతో పాటుగా లేటెస్ట్ కలెక్షన్ అందుబాటులో ఉంటుందని తెలియజేశారు.రూ.199 నుండి మొదలై రూ.1300ల వరకు రేట్లు ఉన్నాయని వివరించారు.ఈ కార్యక్రమంలో మున్సిపల్ బీఆర్ఎస్ అధ్యక్షుడు భాస్కర్ యాదవ్, మాజీ కో ఆప్షన్ సభ్యుడు అకిటి నవీన్ రెడ్డి,ఎల్లంపేట మున్సిపల్ చైర్ పర్సన్ లావుడ్య శ్రీదేవి,కౌన్సిలర్ సద్ది నిషిత రెడ్డి,మాజీ మున్సిపల్ వైస్ చైర్మన్ దామన్నగారి ప్రభాకర్,నాయకులు నడికొప్పు నాగరాజు,శైలేందర్,మండల రవి,వంగేటి రాజి రెడ్డి,సద్ది సుశాంత్ రెడ్డి,విఠల్,రాజు నాయక్,శ్రీనివాస్ రెడ్డి, నిర్వాహకులు,తదితరులు పాల్గొన్నారు.

ప్రజాస్వరం : బోయిన్పల్లి  : జూన్  28. :

హైదరాబాద్ బోయిన్పల్లిలో నిర్వహించిన "పల్స్ పోలియో" కార్యక్రమం మొదటి రోజు అత్యంత విజయవంతంగా ముగిసింది.మొదటి రోజు పోలియో చుక్కలు వేయించుకోలేకపోయిన మిగిలిన పిల్లల కోసం ప్రత్యేక చర్యలు చేపడుతున్నట్లు వెల్లడించారు. రేపు (సోమవారం), ఎల్లుండి (మంగళవారం) రెండు రోజుల పాటు వైద్య సిబ్బంది, వాలంటీర్లు, ఆశా కార్యకర్తలు,మరియు అంగన్వాడీ టీచర్లు కలిసి ఇంటింటికీ తిరుగుతారన్నారు. మొదటి రోజు రాలేకపోయిన ప్రతి ఒక్క చిన్నారిని గుర్తించి తప్పనిసరిగా పోలియో చుక్కలు వేయడం జరుగుతుందన్నారు. తల్లిదండ్రులందరూ అలసత్వం వహించకుండా, తమ ఇంట్లో ఐదేళ్ల లోపు పిల్లలు ఉంటే రేపు, ఎల్లుండి వచ్చే సిబ్బంది ద్వారా తప్పనిసరిగా పోలియో చుక్కలు వేయించి, పిల్లలను అంగవైకల్యం నుండి విముక్తులను చేయాలన్నారు. జరిగిన పల్స్ పోలియో కార్యక్రమాన్ని విజయవంతం చేయడంలో భాగస్వాములైన ప్రజాప్రతినిధులకు, అధికారులకు, వైద్య సిబ్బందికి, ఆశా కార్యకర్తలకు, అంగన్వాడీ టీచర్లకు, వాలంటీర్లకు మరియు సహకరించిన తల్లిదండ్రులకు హృదయపూర్వక ధన్యవాదాలు తెలియజేశారు.

గెలుస్తామని నమ్మకముంటే ఎన్నికలకు వెళ్దాం...

సీఎం రేవంత్ కు హరీష్ రావు సవాల్....

ప్రజాస్వరం : సిద్దిపేట / మెదక్ : జూన్ 28 :

కాంగ్రెస్ ప్రభుత్వం రైతులను పట్టించుకోవడంలేదని భరోసా ఇచ్చి రైతులను ఆదుకోవాల్సిన ప్రభుత్వం ఇప్పటికి మూడుసార్లు ఎగ్గొట్టిందని మండిపడ్డారు. 6 గ్యారంటీలు 420 హామీలు ఇచ్చి ప్రజలను మోసం చేసిన ఘనత కాంగ్రెస్కే దక్కిందని ఆగ్రహం వ్యక్తం చేశారు. గెలుస్తామని నమ్మకం ఉంటే అసెంబ్లీ రద్దు చేసి ఎన్నికలకు వెళ్దామని సవాల్ విసిరారు. ప్రభుత్వ హామీలను ప్రశ్నిస్తే వ్యక్తిగత విమర్శలు చేస్తున్నాడని మండిపడ్డారు. ఇచ్చిన హామీలపై రైతుబంధు ఎగ్గొట్టిన విషయంతో పాటు సింగరేణి టెండర్ వంటి విషయాలపై చర్చించేందుకు సిద్ధంగా ఉన్నామని ప్రత్యేక అసెంబ్లీని ఏర్పాటు చేస్తే మేము చర్చకు సిద్ధంగా ఉన్నామని అన్నారు. హరీష్ రావు సవాల్ సీఎం రేవంత్ రెడ్డి, కాంగ్రెస్ ప్రభుత్వం ఇలా తీసుకుంటుందో చూద్దాం.

ముఖ్యమంత్రి రేవంత్ రెడ్డితో మాల మంత్రులు వెంటనే సమావేశం ఏర్పాటు చేయాలని జేఏసీ చైర్మన్ డా. మందాల భాస్కర్ విజ్ఞప్తి.....

ప్రజాస్వరం : మెదక్, జూన్ 28  : 

తెలంగాణ రాష్ట్రంలో మాలలపై ప్రభుత్వం కక్షసాధింపు ధోరణి అవలంబిస్తోందని, రాష్ట్రంలో మూడో అతిపెద్ద జనాభా కలిగిన మాలలకు మరో రెండు శాతం రిజర్వేషన్ పెంచాలని మాలల హక్కుల సాధన సమితి రాష్ట్ర అధ్యక్షుడు, జేఏసీ చైర్మన్ డా. మందాల భాస్కర్ డిమాండ్ చేశారు. ఆదివారం మెదక్ పట్టణంలో మాలల హక్కుల సాధన సమితి ఆధ్వర్యంలో నిర్వహించిన సమావేశంలో ఆయన మాట్లాడుతూ రాష్ట్రంలో సుమారు 30 లక్షల మంది మాలలు ఉన్నప్పటికీ ఉద్యోగ నోటిఫికేషన్లు, సంక్షేమ కార్యక్రమాల్లో వారికి అన్యాయం జరుగుతోందని ఆరోపించారు. ఈ పరిస్థితి కొనసాగితే మాల సమాజం తీవ్రంగా నష్టపోయే ప్రమాదం ఉందన్నారు. ఉప ముఖ్యమంత్రి మల్లు భట్టి విక్రమార్క, స్పీకర్ గడ్డం ప్రసాద్ కుమార్, మంత్రి వివేక్ వెంకటస్వామి, ఎమ్మెల్సీ అద్దంకి దయాకర్‌లు మాల సంఘాలకు ముఖ్యమంత్రి రేవంత్ రెడ్డితో వెంటనే సమావేశం ఏర్పాటు చేయాలని కోరారు. ఎస్సీ వర్గీకరణ సవరణ చట్టాన్ని అసెంబ్లీలో ప్రవేశపెట్టి అన్ని వర్గాలకు న్యాయం జరిగేలా చర్యలు తీసుకోవాలని విజ్ఞప్తి చేశారు. సమావేశంలో గ్రేటర్ హైదరాబాద్ మాల సంఘాల జేఏసీ చైర్మన్ బేర బాలకిషన్ (బాలన్న), చెరుకు రామచందర్, మాదాసు రాహుల్ రావు, మంత్రి నరసింహయ్య, గోపోజు రమేష్, మన్నే శ్రీధర్, డీబీఎస్ శంకర్, తుమ్మ శ్రీను తదితరులు పాల్గొన్నారు. వ్యవస్థాపకులు బొమ్మల మైసయ్య, పెంటయ్య సభ కు అధ్యక్షత వహించారు. సమావేశంలో ఎస్సీ వర్గీకరణ సవరణ చట్టాన్ని 59 కులాలకు సమాన న్యాయం జరిగేలా అమలు చేయాలని, అత్యంత వెనుకబడిన మాలల కోసం ప్రత్యేక మాల కార్పొరేషన్ ఏర్పాటు చేయాలని, హైదరాబాద్‌ లో మాల భవన్ కోసం రెండు ఎకరాల భూమిని కేటాయించాలని, ఇప్పటివరకు విడుదల చేసిన ఉద్యోగ నోటిఫికేషన్లు ను రద్దు చేసి సమాన న్యాయం జరిగే విధంగా కొత్త నోటిఫికేషన్లు విడుదల చేయాలని ఏకగ్రీవ తీర్మానాలు చేశారు.

తెలంగాణ లో బీజేపీ అధికారమే లక్ష్యం.....

వచ్చే ఎన్నికల్లో గ్రామం నుంచి పార్లమెంట్ వరకు బీజేపీ జెండా ఎగరాలి....

ప్రజాస్వరం : మెదక్ : జూన్ 28 :  

దేశంలో ఏ రాజకీయ పార్టీ కి లేనటువంటి పార్టీ కార్యాలయం బీజేపీ పార్టీ కి ఉందని ఎంపీ రఘునందన్ రావు తెలిపారు. ఆదివారం నూతన మెదక్ జిల్లా బీజేపీ కార్యాలయాన్ని బీజేపీ జాతీయ అధ్యక్షుడు నితిన్ నబీన్ వర్చువల్ పద్ధతి లో పార్టీ కార్యాలయాన్ని ప్రారంభించడం జరిగింది. అనంతరం ఎంపీ రఘునందన్ రావు శిల పలకాన్ని ప్రారంభించిన అనంతరం మెదక్ జిల్లా జిల్లా అధ్యక్షుడు వల్దాస్ రాధా మల్లేష్ గౌడ్ బీజేపీ జెండా ను ఆవిష్కరించారు. ఈ సందర్భంగా మెదక్ ఎంపీ రఘునందన్ రావు మాట్లాడుతూ భారతదేశంలో ఏ రాజకీయ పార్టీకి లేనటువంటి కార్యాలయం బీజేపీకి ఉందన్నారు. భవిష్యత్తులో పార్టీ కార్యక్రమాలు ఇక్కడి నుండి అమలు అవుతాయని, నేను ఎమ్మెల్యే గా, ఎంపీ గా పోటీ చేసినప్పుడు అద్దె భవనాల్లో చాలా ఇబ్బందిగా ఉండేదని తెలిపారు. ఇప్పుడు నా పార్లమెంట్ పరిధిలో మెదక్, సిద్ధిపేట లో భారతీయ జనతా పార్టీ కార్యాలయాలు ప్రారంభించుకోవడం సంతోషం గా ఉందని అన్నారు. ఈ కార్యాలయం పునాది నుండి శంకుస్థాపన వరకు కృషి చేసిన అందరికీ కృతజ్ఞతలు తెలిపారు. ఎనిమిది రాష్ట్రాలకు అధ్యక్షునిగా ఉన్న సునీల్ భన్సల్ ఏడు రాష్ట్రాలను అధికారంలోకి తెచ్చాడని, పశ్చిమ బెంగాల్ గెలుపు తరువాత మిగిలిన తెలంగాణ లో బీజేపీ అధికారంలోకి తీసుకురావడమే లక్ష్యంగా అయన కృషి చేస్తారని పేర్కొన్నారు. మనం ప్రారంభించుకున్న ఈ కార్యాలయం 24 గంటల పాటు అందుబాటులో ఉంటుందని అన్నారు. వచ్చే ఎన్నికల్లో పంచాయతీ, వార్డు మెంబర్ నుంచి పార్లమెంటు మెంబర్ వరకు ప్రతి ఒక్కరు భారతీయ జనతా పార్టీ నుంచి ఉండాలని కోరారు. నా గెలుపు కోసం ఏ విధంగా బీజేపీకి పార్టీ కార్యకర్తలు కష్టపడ్డారో అదే విధంగా మీ వెంటే నేను ఉంటానాని తెలిపారు. రాష్ట్రంలో కాంగ్రెసు, బీఆర్ఎస్ పార్టీలు రెండు ఖతమయ్యాయని పేర్కొన్నారు. రెండు పార్టీలు అవినీతిని బహిర్గతం చేస్తూ తెలంగాణలో బీజేపీ పార్టీ అధికారంలోకి వస్తుందని ధీమా వ్యక్తం చేశారు. ఈ కార్యక్రమంలో మాజీ బీజేపీ జిల్లా అధ్యక్షుడు గడ్డం శ్రీనివాస్, రాష్ట్ర కౌన్సిల్ సభ్యులు రాగి రాములు, జిల్లా ప్రధాన కార్యదర్శి లు సురేష్, శ్రీనివాస్, ఈర్ల రంజిత్ రెడ్డి, జిల్లా బీజేవైఎం జిల్లా అధ్యక్షుడు సతీష్, కిసాన్ మోర్చా జిల్లా అధ్యక్షుడు బైండ్ల సత్యనారాయణ, పట్టణ అధ్యక్షుడు నాయిని ప్రసాద్, మహిళ మోర్చా జిల్లా అధ్యక్షురాలు మల్లికా, నాయకులు తాళ్ళపల్లి రాజశేఖర్, పంజా విజయ్, కవిత రెడ్డి, నందరెడ్డి తదితరులు పాల్గొన్నారు.

నాణ్యమైన వైద్య సేవలకు దక్కిన గుర్తింపు.....

ప్రజాస్వరం : మేడ్చల్  : జూన్ 28 :

చిన్న పిల్లల్లో ఎదుగుదల లోపాలు, పెద్ద వారిలో న్యూరాలజికల్ సమస్యలతో బాధ పడుతున్న వారికి ఫిజియోథెరపిస్ట్ గా ఎన్నో సంవత్సరాలుగా సేవలు అందిస్తు,వైద్య సేవల్లో తనదైన ముద్ర వేస్తూ దూసుకుపోతున్న డా,,జిల్లా శ్రీనివాస్ కు ప్రతిష్టాత్మకమైన ఐ ఈ ఏ హెల్త్‌కేర్ ఎక్సలెన్స్ అవార్డు కైవసం చేసుకున్నారు.హెల్త్ కేర్ రంగంలో రోగులకు అందించిన ఉత్తమ, నాణ్యమైన సేవలకు గుర్తింపుగా డా,,జిల్లా శ్రీనివాస్ కు ఈ అవార్డు వరించింది. నగరంలో వైభవంగా నిర్వహించిన అవార్డుల ప్రధానోత్సవ కార్యక్రమంలో ప్రముఖ సినీ నటి, మాజీ రాజ్యసభ సభ్యురాలు జయప్రద ముఖ్య అతిథిగా పాల్గొన్నారు. డా,,జిల్లా శ్రీనివాస్ కు ఆమె చేతుల మీదుగా ఈ ప్రతిష్ఠాత్మక అవార్డును అందజేశారు.

ప్రజాస్వరం : మెదక్ : జూన్ 28  : 

మెదక్ పట్టణంలోని జర్నలిస్ట్ కాలనీలో ఎమ్మెల్యే డా. మైనంపల్లి రోహిత్ రావు ఇటీవల ప్రారంభించిన సీసీ రోడ్డు నిర్మాణ పనులను మున్సిపల్ వైస్ చైర్మన్ దొంతి నరేష్ గౌడ్ శనివారం జర్నలిస్టులతో కలిసి పరిశీలించారు. ఈ సందర్భంగా నిర్మాణ పనుల పురోగతిని పరిశీలించిన ఆయన, జర్నలిస్టుల సమస్యలను అడిగి తెలుసుకుని, వాటి పరిష్కారానికి కృషి చేస్తామని హామీ ఇచ్చారు. జర్నలిస్టుల కాలనీలో మౌలిక సదుపాయాల కల్పన కు మున్సిపాలిటీ తరఫున అవసరమైన చర్యలు తీసుకుంటామని తెలిపారు. ఈ కార్యక్రమంలో జర్నలిస్టులు శంకర్ దయాల్ చారి, కమాటి కృష్ణ, సంగమేశ్వర్, ఉషయ్య, ఆంజనేయులు, ఫణి, కృష్ణమూర్తి తదితరులు పాల్గొన్నారు.

ప్రజాస్వరం : మెదక్ : జూన్ 28  :

పాపన్న పేట్ మండలం నాగసానిపల్లి సమీపంలోని ప్రసిద్ధ పుణ్యక్షేత్రం ఏడుపాయల వన దుర్గామాత ఆలయాన్ని జిల్లా ఎస్పీ శ్రీనివాసరావు కుటుంబ సమేతంగా దర్శించుకున్నారు. ఈ సందర్భంగా అమ్మవారికి ప్రత్యేక పూజలు నిర్వహించి, మెదక్ ప్రజలందరూ సుఖసంతోషాలతో, ఆయురారోగ్యాలతో ఉండాలని, మెదక్ జిల్లా శాంతిభద్రతలు మరింత బలోపేతం కావాలని ప్రార్థించారు. ఆలయ అర్చకులు ఎస్పీ దంపతులకు వేద ఆశీర్వచనం అందించి, అమ్మవారి తీర్థప్రసాదాలు అందజేశారు.

పల్స్ పోలియో కార్యక్రమాన్ని విజయవంతం చేయడంలో ప్రతి ఒక్కరూ భాగస్వాములు కావాలి... 

ప్రజాస్వరం : మెదక్ : జూన్ 28 :

ప్రతి ఐదేళ్ల లోపు చిన్నారికి తప్పనిసరిగా పోలియో చుక్కలు వేయించాలని జిల్లా కలెక్టర్ ప్రతిమా సింగ్ అన్నారు. జాతీయ ఆరోగ్య మిషన్ కింద పల్స్ పోలియో కార్యక్రమంలో భాగంగా ఆదివారం మెదక్ జిల్లా కేంద్రంలోని మున్సిపల్ కార్యాలయంలో నిర్వహించిన పల్స్ పోలియో చుక్కల కార్యక్రమానికి జిల్లా కలెక్టర్ ప్రతిమా సింగ్ ముఖ్య అతిథిగా హాజరై, ప్రారంభించారు. ఈ సందర్భంగా 0 నుంచి 5 సంవత్సరాల లోపు చిన్నారులకు స్వయంగా కలెక్టర్ పోలియో చుక్కలు వేశారు. ఈ నేపథ్యంలో జిల్లా కలెక్టర్ మాట్లాడుతూ పోలియో రహిత సమాజ నిర్మాణంలో పల్స్ పోలియో కార్యక్రమం అత్యంత కీలకమైందన్నారు. ప్రతి ఐదేళ్ల లోపు చిన్నారికి తప్పనిసరిగా పోలియో చుక్కలు వేయించడం అత్యంత అవసరమని పేర్కొన్నారు. జిల్లాలోని పట్టణ, గ్రామీణ ప్రాంతాల్లో నివసిస్తున్న ప్రతి కుటుంబం తమ చిన్నారులను సమీపంలోని పోలియో కేంద్రాలకు తీసుకువచ్చి పోలియో చుక్కలు వేయించాలని కోరారు. ఏ ఒక్క చిన్నారి కూడా ఈ కార్యక్రమానికి దూరం కాకుండా అధికారులు, వైద్య సిబ్బంది, ఆశా కార్యకర్తలు, అంగన్‌వాడీ సిబ్బంది, స్వచ్ఛంద సంస్థలు సమన్వయంతో పని చేయాలని సూచించారు. పోలియో చుక్కలు చిన్నారుల ఆరోగ్య రక్షణకు సురక్షితమైనవి, అత్యంత ప్రభావవంతమైనవని తెలిపారు. జిల్లాలో ఏర్పాటు చేసిన అన్ని పోలియో కేంద్రాల్లో అవసరమైన ఏర్పాట్లు చేసినట్లు తెలిపారు. కేంద్రాలకు రాలేని చిన్నారులకు ఇంటింటికీ వెళ్లి పోలియో చుక్కలు వేసేలా ప్రత్యేక బృందాలను ఏర్పాటు చేసినట్లు చెప్పారు. ప్రతి చిన్నారి పోలియో చుక్కలు తీసుకునే వరకు అధికారులు నిరంతరం పర్యవేక్షణ చేపట్టాలని ఆదేశించారు. ఈ కార్యక్రమంలో డీఎంహెచో గణేశ్వర్, మున్సిపల్ వైస్ చైర్మన్ దొంతి నరేష్ గౌడ్  ఇతర సంబంధిత వైద్యాధికారులు, వైద్య సిబ్బంది, ఆశా కార్యకర్తలు, తల్లిదండ్రులు, తదితరులు పాల్గొన్నారు.